hello again

wie guets mir hie geit, merkt me wohl a dran, wi wenig dasi hie es Zeiche vo mir gibe- wbi "wenig" no bau untertribe isch ;) Dem guten Hagi sei Dank wo mal ume Kommentar gschribe het, hani me doch de widr a mi Blog erinneret u da bini widr ;)

i weiss wi so oft gar nid wuek was schribe.. sit mim letschte Blog isch irgendwie viu passiert u doch nid wuek bewegends ;)

dr Summer isch da u es isch mittlerwile so heiss, dasi ir Nacht fasch nuem cha schlafe (letscht Nacht bini auso zwuesche Mitternacht u moge am 5 3mau unter di chauti Duschi ghuepft u d Ching hei iz scho 2 Wuche Ferie, was fuer mi beduetet, NO ME SCHAFFE, laengi Taeg und e riiise Hitz... und Abschid nae..
uesi Internationali Gruppe gheit langsam usenand- d Louise isch letscht Sunnti am morge am 2 "vo ues gange" u ab nach Brasilie.. mir hei se ad Busstation begleitet und es isch eifach risig komisch gsi.. mir heis gar nid so richtig realisiert, aber nis trotzdem zimlech beschisse gfuehlt... obwohl mir ues nume sit 2,5Monet kenne, wachst me so eng zaeme, teilt di gliche erfahrige, hoechs u Toeif, isch fuerenand da u gniesst ds Laebe ime froemde Land... das si di Luet, wo mir di letschte Moent so as Haerz gwachse si u sone Gruppe findet me gloubs nie es 2mau.. luet vo 3 verschidene Kontinente, us 9 verschidene Laender choeme zaeme in Spanie... I ha z gfuehl, das niemmer mi im Bezug uf mini Zyt hie jemaus so cha verstah wi miner Girls hie, i wet am liebste aui mit id Schwiz nae oer dasmer aui hieblibe u i cha mr soo nid vorstelle, wis wird si, we aui waeg si...

aber suesch isch mis Laebe hie sehr routiniert u i ha bau Angst, wis wird si, weni de hei cha/mues/darf/soett... jede Tag isches chli es anders Wort...

am 20.6 bini mit dr Mely, mire New-York-Chica, in Pamplona gsi u mir hei e ungloubleche Tag dert verbracht- u ganz ehrlech gseit nid sooo wahnsinnig viu vor Stadt selber gseh.. ;) aber derfuer es paar Hippies uf dr Plaza Moyor lehre kenne vo dr Jakobsweg mach, Gittare u Harmonika gspilt u Bier trunke hei.. mir hei nis sofort agschlosse, nid z letscht wueu dr eint z perfekte Brad Pitt-Double isch gsi ;)

MIttlerwile verbringi jede Tag 1,5 Stund im Hallebad, wueu d Maria u dr Marco dert Schwuemmkurs hei, hocke ufme Baenkli u bi ungloublech niidisch dass si im Wasser choei umeplantsche u i di stickig-chlaebig-warmi Luft mues ertrage... heter gwuesst das e Hallebad-itritt hie 7 Euro chostet (Strandbad 5)?! Die spinnen die Spanier.. das rentiert sech de definitiv nid, fuer 40min z schwuemme bis d Ching fertig s.. wueu we si nachem schwuemmkurs no wette blibe, muesste si o no mau itritt zahle..

aber jaa.. i 2 Wuche bini am MEEEEER u de interessiere mi de Hallebad-itrittsprise e schissdreck, naer choeme d Fiestas hie in Tudela, woni de d Katrin no z letschte mal i volle Zueg wirde gniesse bevor o si geit u i nume no 26Tag chunt mis Aenni u mir si in Barcelonaa... jiiiha..

u wi gseht eue summer so us :P

Kommentare

  1. ..actually now news from britain or at least no ones to post here :)

    oh woow, creepy hot down there ugh... What about the spanish or/and the british post? are they finally doing their Jobs or didn't it arrive?

    Darling, I just miss you so much and am looking forwards to see you again back home- even though it doesn't look much like home at the moment... I'll be there!

    love you

    AntwortenLöschen

Kommentar veröffentlichen

Beliebte Posts aus diesem Blog

Update

I'm useless when I'm happy

Weite