Las Bardenas Reales

Anina meldet sich wieder zurueck...

Als erstes einmal ein herzliches "bienvenido" auch an meine heimliche Leserin Katrin, meine VIPBOMB und mein liebster Schreihals hier in Spanien ;) geniess mein schreckliches SCHWIZERDUETSCH und es Muentschi fuer dich!

..und natuerlech o es paar besitos fuer aui dehei!

Am Samsti bini mit dr Katrin und eme Bus voll Rentner id Bardenas Reales gfahre; das isch e Halb-Wuesti bi ues ir Nechi wo sech ueber me aus 42000ha erstreckt und ellei duer d Erosion entstande isch (nid duere Mond, wid Katrin gmeint het.. neeeein...) und es Naturschutzgebiet isch...

Mir si am Morge am 9ni agfahre u hei bime haerzige chline Huesli zersch mau oeppis trunke u scho denn hets es Glas Wii gae und scho huuffe Moskitos gha... mir si naer mitem Bus so wiit wi mueglaech ine gfahre u si naer duer d Bardenas spaziert.

Das isch eifach e ungloublech faszinierendi Landschaft u mir si usem Stuuune nuem usecho... Zum Teil gsehts fasch e chli us wi im Gran canyon (nid dasi scho mau waer dert gsi) mit mondaehnleche Landschafte, mit Schluchten, Ebenen und vereinzelte Hügu, Taeler u Schluchte, aune bruun-, beige-, rot- u ockertoen, so dasme sech wuek eifach winzig vorchunt... Mir hei oeppe e 2,5stuendige "Spaziergang" gmacht u si ufne riiise Huegu ufegloffe, wome e ungloublechi Ussicht ueber di ganze bardenas het gha u d Katrin u i hei wahrschinlech ab und zue gwuerkt, wi 2 chlini Ching voreme riiisige Gschaenkli- mir heis i voll zueg gnosse...

I de Berge inne gits zum Teil grossi Hoehline um die sech einigi Legende ranke. Zum Bispil soell dert dr einst so berühmte Schmuggler u Dieb Sanchicorrota Unterschlupf gfunde ha, wo uf dr Flucht sis Ross so beschlagee het, dass d Hufise nach hinde zeigt hei, um sine Verfolger z entcho- o die Gschicht hei mer mehrmals ghoert...

sehr schnaeu het sechs usegstellt gha, dass au uesi Begleiter de usflug au Jahr zeme mache u mir so z'saege d einzige touristas si u mir si so zur 2. houptattraktion worde, hei x-mau erklaert vo wo dasmer choeme u he aus Antwort doerfe ghoere: "Ah, si si, Australia"- "non, AUSTRIA!"- "ah si si, sois Alemanes".. irgendeinisch heimers de o ufgae.. ) aber si si aui uh haerzig gsi u hei nis alles ueber d Bardenas u di ganz Umgebig, Pflanze u Tierli verzeut, so dasmer sicher 7mau ghoert gha hei, dass dises struepp dert aene "Romero"(Rosmarin)sig u mes choenn zum choche bruche...

wo de schlussendlech aui widr zrugg bim bus si gsi (mir 2 natuerlech di letschte wueu mir uesem Ruef aus Touristas getreu thusendi vo Fotos gmacht hei u ununterbroche plapperet hei), si mer naer no ane andere Platz i de Bardenas gfahre, em "el Castildeterra", de isch dr beruehmtischt "stei" i de Bardenas. Es heisst, das irgendeinisch die Steine obenabe gheie, duer di staendigi erosion...

Mir si naer no mit dr ganze Gruppe ines restaurant ga aesse und heis sehr lustig gha mit 2 spanierinne ume rumaeniche Paerli, wo immer hei woeue, dasmer au ihres Aesse probiert he, s dass d Katrin bis zum Schluss gfunde het: "Mir steht der ranzen!, was seeehr traeffend isch gsi.. mir hei naer endgueltig ufgae, wo si nis no mit irgendeme Kaffi mit Schnas hei woueu abfuelle wo lut ihne KE alkohol din het, aber ues hets scho bim dra schmoecke fasch us de socke ghoue..
Aues i Auem isches eifach e geniale Tag gsi, trotz ominoesem Insektestich- wo uf Tennisball-groessi (vom Durchmesser her) agschwulle isch und duere ganz arm schmaerze strahlet- und stellewiisen liechte Sunnebrand und endloser Muedigkeit... nichts desto trotz simer natuerlech glich i Usgang u erst am morge am 5i widr im Bett gsi...

Eigentlech gits suesch nid so vil nennenswaerti News...:

ues blibe no 3Weekends u naer geit d Louise scho waeg, d Wuche druf geit d Elisa u na dis na de aui andere.. isch zimlech erschreckend.. mir versueche iz die zyt so guet wi mueglech no z nuetze u hei fuer naechst WE e Trip nach San Sebastian iplanet (das ligt am MEER!!!; Sunne, Meer, Strand, Usgang,... )

I hane Unterkunft gfunde fuer d wuche vo de Fiestas, woni nid darf im huus vo mire familie wohne wueu die i de ferie si (que tontos) u cha fuerne Wuche zum Gonzalos zieh...perfekt!

Mi riiise Ufsteller isch natuerlaech, dass d Anna bereits Flug und Albergue in Barcelona buechet het u mi am 28.7 hie chunt cho bsuech.. mir waerde 3,5 Tag in Barcelona u naer fuers WE bi mir dehei in Tudela si... Das isch mis riiise Zueckerli woni mr selber immer widr vor Ouge fuehre, we mr a mine endlos lange Namitaeg d Ouge fasch zuegheie und i jede Abe erschoepft i mis Bettli gheie... mis aenni chunt mi ch bsueche!!!!!!!


me Fotos vo de bardenas gits uf:

http://www.facebook.com/album.php?aid=25626&id=1037627287&l=15cc7c39c0