san sebastian - un fin de semana fantástico

Letzts Wuchenend bini mit dr Katrin, Mely, Daphne u dr Melissa uf San Sebastián, das isch es Stedtli oeppe 2,5 vo Tudela enfernt, igt am meer u isch eifach ungloublech...! mir si am samsti morge frueh mitem Bus losgfahre u vorem Mittag acho u hei nis ufd suechi nach uesere Jugi gmacht.. womers hei gfunde, isch ds irgendwie eifach e Wohnig gsi wo si eifach i jedes Zimmer Kajuetebett inegstellt hei u aues isch zimlech schmuddelig u dreckig gsi.. d bsitzere het voll High gwuerkt, aus haett si sech irgendwie grad e line zoge... d Ueberraschig isch aber de cho, wo si nis gseit het, dass uses zimmer nid da isch u mir as andere endi vor stadt hei muesse loufe, zure andere Wohnig, wo nid besser het usgseh.. tja, so Sache passiere, we me eifach z gunstigste buecht.. wo glih immerhin no 18Euro pro Nacht isch; wenigstens heimer z zimmer fuer ues ellei gha ;) Mir hei naer so chli uesi private Sight-seeing-Tour gmacht u si recht vil gloffe, hei nis d ruegge verbroennt u d Fuess wundgloffe.. Aber es het sech voll glohnt..







Mir si ufe Monte Igualdo ufegloffe, das isch gloub so zimlech dr hoechst Punkt vor Stadt, u vo dert us het me e umwerfendi Ussicht ueber di ganzi Sadt, dr strand, d Bucht, ds Inseli u ds Meer.. das isch so z typische Postchartesujet..!









am abe simer naer a surfer-beach u hei surfer bewunderet u womer zrugg id Jugi si, heimer 3 Franzosinne lehre kenne u hei die ner grd mitgno zum znachtesse u fuer i usgang...



hinte vlnr: Katrin(oestriich), Mely(new York), Melissa (DE), Daphne (NL)

vorne: ig(CH, wer haetss denkt..), Awa, Estelle und Karine (FR), zimlech multikulturell oder?



uf jede fall si d Katrin u ig zeme mit the franzosinne am morge am 4i zrugg zur Jugi, 1. wueu mr mued si gsi, 2. wueu mr nid dr ganz naechst morge hei welle verschlafe u 3. wueu d franzosinne hei gseit, si wuessi nid oebi si dr weg zur jugi ellei finde... di 3 andere si no witerzoge u mir heis mit de schluessle so greglet, dass d Franzosinne ihre zimmerschluessu hei gha UND dr Houptschluessel, mir uese zimmerschluessel u di andere wo si witerzoge dr 2.houptschluessel... j, uf jedefall heimers fertig bracht, dasmer d franzosinne z mitts ufemne grosse Platz verlore hei, wueu nis paar Type gseh hei, womer paar stund vorher ire Bar troffe hei.. mir natuerlech ime henne zueg uber de ganz platz grennt u nis ueberleit, wele weg si haette choenne nae.. zu allem uebel isch nis naer no eine vo dene type nachegloffe, wo het woue, das mir mit ihm ane schuttmatch goe am naechste nami... u henne gstussed het... nach 20min erflogloser suechi heimer gfunde, mir goenge iz glich eifach mal zum hostel(da mir kes Nr vo de franzoinne hei gha) u luete, ir Hoffnig, dass oepper anders scho dehei isch..schlussendlech si au ueser franzoesinne ir stube ghocket, liecht a geklet wueu di sessle so haesslech si gsi u mir vou erliechteret, bis sech het usegstellt, dass si ihre zimmertuer nid choi ufschliesse... naer het ei telefoniererei agfange, wueu mir keni vorige Matratze me hei gha; d bsitzerin het ds telefon nid abgno, ihre sohn isch vorher mit ues im usgang gsi u scho zu fruecherem Zytpunkt nuem asprechbar gsi.. u d "caretakerin" isch voll unmotiviert gsi u het nis nid welle haelfe.. schlussendlech isch haubi 6i gsi bismr im bett si gsi.. bisdenn si o di restleche 3 dehei gsi, da sech diso au absolute Flop usegstellt het.. d Mely het nume imne Sessel gschlafe, da si am morge am 9ni widr mitem Bus zrug uf Tudela het muesse u isch scho weg gsi wo mir am nechste morge nichts desto am haubi 10ni si ufgstande u hei ueses, eigentlech im Priis inbegriffene, Zmorge woueue ga esse.. naja, wi bereits erwaenht: dr sohn, wo fuers Zmorge zuestaendig waer, isch mit ues im Usgang gsi u kes zmorge wiit u breit... u waehrend di erste under dr duschi gstande si, isch ploetlzlech d Mely widr im Tuerrahme gstand u i bi i Lache usbroche.. Bus verpasst... :) si het sech zwar sehr ufgregt, aber mir hei nis aui riisig gfreut, dass si doch no dr Rest vom WE mit ues verbringt ;)

mir si im Stedtli ga zmoergele, gmuetlech umegschlenderet u glaedelet u no paar Sache agluegt, bevor mr ploetzlech realisiert hei dass mr D zyt voellig unterschezt he... schlussendlech simer zur Busstation grennt u hei gmekrt, dases immer no nid laengt u hei nis ufs erstebeste freie Taxi gstuerzt- es 2.Mau e Bus z verpasse waer wahrschinlech z vil gsi fuer di armi Mely.. si schliesslech immer widr 14Euro :)

Kommentare

  1. Wenn jemand eine Reise tut,
    so kann er was erzählen. Matthias Claudius

    Immer wieder spannend, luschtig, ufheiterend z' ghöre was du erläbt hesch, was erläbsch u wo du grad dranne bisch. Bsunders was no chunnt interessiert mi wieder, itz woni sooooo viu zyt ha nach denä prüefige (got it). Gsesch ja, i lueges ersch itze a;). Wünsche dir no e guete witere ufenthaut wit ewäg vo de bärge u de "summer"-gwitter, wo mir hie immer wieder mau hei.

    Greez Stefu Hagi
    oder wie seit me scho wieder
    Besito

    AntwortenLöschen

Kommentar veröffentlichen

Beliebte Posts aus diesem Blog

Update

I'm useless when I'm happy

Weite